2023-2024 ուստարվա սկզբից մենք ուսումնասիրեցինք Հոգեբանություն մասնագիտությունն ու մասնավորապես՝ Ղեկավարման հմտություններ և սպասարկման էթիկա և Կոնֆլիկտների, սթրեսներ, փոփոխություններ առարկաները։ Իմ կարծիքով այս առարկան շատ կարևոր է յուրաքանչյուր մասնագիտություն ընտրած ուսանողի համար, քանի որ դասերի ժամանակ քննարկում էինք շատ հետաքրքիր և կարևոր թեմաներ մարդկային հարաբերությունների մասին։ Մեր դասերը անցում են հետաքրքիր, քանի որ մեր ընտրած մասնագիտության մեջ մեզ հաստատ պետք կլինի կոնֆլիկտների լուծման եղանակների իմացությունը, ղեկավարման հմտությունները, մարդկային մեծ խմբերի հետ աշխատանքը և այլն։ Նաև ունեցել ենք նախագծային աշխատանքներ։
Մարզի դեմքը նախագծում ես ընտրել էի Լոռու մարզը, քանի որ ես ինքս շատ եմ ուզում այցելել Լոռի։ Նախագիծը իրականացնելու ժամանակ շատ նոր հետաքրքիր փաստեր իմացա Լոռու մարզից ,այնտեղ ծնված հայտնի մարդկանց մասին։ Եվ վերջում ունենք այց Լոռու մարզ և համագործակցային նախագիծ, որի ընթացքում հարցում կիրականացնենք բնակիչներին հետ բազմաթիվ թեմաների շուրջ։